Rekipeoù Klervi #15 : Gwastilli chokolad ha karamel

Setu rekipe diwezhañ ar c’henfinañ : gwastilli chokolad ha karamel !

Penaos fardañ gwastilli chokolad ha karamel ? Displeget eo pep tra er video amañ dindan.

Aozennoù :

(evit 12 gwastell)

  • 200 gr chokolad
  • 125 gr amann
  • 150 gr sukr
  • 70 gr bleud
  • 3 vi
  • 1 podad karamel

Prientiñ :

Torrit ar chokolad en ur gastelodenn hag ouzhpennit an amann troc’het a-dammoù.

Teuzit ar chokolad hag an amann war un tan bihan.

Ouzhpennit ar sukr ha meskit.

E-maez an tan ouzhpennit ar bleud ha meskit.

Ouzhpennit ar vioù unan hag unan ha meskit etre pep vi.

Lakait un tamm prientad chokolad e-barzh moulloù-gwastell.

Goude lakait ar c’haramel.

Hag evit echuiñ, ouzhpennit ar prientad chokolad war-c’horre ar c’haramel.

Lakait er forn tommet da 160 derez e-pad 30 munutenn.

Kalon vat deoc’h !


Rekipeoù Klervi all dre amañ.

Skignañ ar pennad-mañ war ar rouedadoù