Rekipeoù Klervi #10 : Cookies choko

Kinnig a ran deoc’h ur rekipe Cookies choko ! Ur rekipe a blijo d’ar re vihan kement ha d’ar re vras !

Penaos fardañ Cookies choko ? Displeget eo pep tra er video amañ dindan !

Aozennoù :

  • 85 gr amann blotaet
  • 85 gr sukr
  • 1 sac’hadig sukr vanilhet
  • 1 vi
  • 130 gr bleud
  • 20 gr poultr kakao
  • 1 loaiad vihan holen
  • 1 loaiad vihan goell kimiek
  • 200 gr malzennoù chokolad
  • 125 gr kraoñ-kelvez*

* N’oc’h ket rediet da lakaat kraoñ-kelvez, gallout a rit ober hepto pe mod-all lakaat kraoñ pe kraoñ-dimezell pe c’hoazh kraoñ-pekan en o lec’h. 

Prientiñ :

En ur volenn, lakait an amann meret gant ur spanell, ar sukr, hag ar vi.
Meskit pep tra.

Goude-se ouzhpennit ar bleud, ar poultr kakao, an holen, ar goell kimiek, ar malzennoù chokolad hag ar c’hraoñ-kelvez.

Meskit gant ho taouarn betek kaout toaz.

Da echuiñ, kemerit un tamm toaz ha grit bouloùigoù gant ho taouarn.

Lakait er forn da 180°C e-pad 15 munutenn.

Adkavit holl Rekipeoù Klervi all o klikañ amañ !

Skignañ ar pennad-mañ war ar rouedadoù