Ar skipailh

Ober a reomp war-dro skrivañ pennadoù, adlenn anezho, embann ar skridoù ha skignañ ar re-mañ war ar rouedadoù sokial. Graet hon eus war-dro sevel al lec’hienn, dibab ar skeudennoù pe tresañ al logo. Setu ur sell diouzh perzhidi Dispak. Grit anaoudegezh ganeomp amañ ha deuit davedomp evit kemer perzh c’hwi ivez !

avatar for

Piv a gaver a-dreñv d'an anv ar Skipailh ?
A-wechoù eo tud a skriv ur pennad asambles, gwechoù all, tud ha n'hallont ket reiñ o anv. Atav o toujañ ouzh Karta ar gelaouenn.

avatar for

Eus Naoned on. Dedennet on gant ar memor-stroll, an teknologiezhioù, an dielloù hag ar c'hrouiñ dre meur a zoare...

Fulup Jakez

Un arbennigour war ar politikerezh yezh on, bet e-touez skridaozerien ar geriadur hollvrezhonek kentañ. Rener Ofis Publik ar brezhoneg on.

Gael Roblin

Stourmer evit Breizh dieub ha sokialour, kenurzhier sevenadurel e Ti ar Vro Gwengamp.

Kenan an Habask

O chom e Douarnenez emaon (Kerne-Izel) ha stummet on bet e skol-kazetennerezh Lannuon. Seveniñ a ran teulfilmoù ha videoioù liesseurt war zanvez Breizh.

avatar for

Plijet gant ar c'heginerezh hag ar pastezerezh abaoe on bihan, neuze em eus tapet ur bak micherel pastezerezh-baraerezh e 2016. Bet on er skol hag er skolaj Diwan. Bremañ e ran ur Master enklask e brezhoneg.

Liza Jakez-Vargas

Kernevadez staliet e Bro-Naoned. Sod on gant ar yezhoù, stourmoù liesseurt, ha teulfilmoù.

avatar for

Kazetennerez ha feminist. Dedennet bras on gant an Istor hag ar stourmoù dre ar bed.

avatar for

A orin eus Bro Naoned on, hag o chom e Brest. Dedennet on gant an dielloù, gwirioù ar merc'hed ha labourioù-dorn liesseurt e-mesk traoù all !

avatar for

Grafourez al lec'hienn eo Nollaig Dipode. Ganti eo bet savet an tem, hol logo hag ar garta c'hrafek.

Ronan Kintin

Eus Brest, dedennet gant an istor, ar bed hag ar sport.

avatar for

Studierez e Roazhon evit ar poent, dedennet on gant ar goulennoù kevredigezhel hag an eskemmoù sevenadurel. Skrivañ a rin diwar-benn keleier, dudioù pe sevenadur.

Kavout a raer ivez skrivagnerien ha skrivagnerezed all a genlabour gant ar skipailh!